اوزگور یاشام

بولودلارین

ایسلاق گؤزلریندن

سپیله جه یم یوخولارین

کال رویالارینا

سن یوخولو ایکن

تام کوچه لرین توزونو آلاجاغام

گؤزلرینی آچاندا

تپ تزه اولاجاق

سحر

کند - شه ر

شئح کیمی دوشه نه جم

گوللرین ایپک دوداغینا

بیر قیزین اللریندن قوخویاجاغام

نملی ساچلارینا

سوزه جه یم

آچیشقالارین توتقون باخیشینا

چیرپیناجاغام

آغاجلارین باشینا

بیر قوش یوواسیندان

سالدیراجاغام

گئجه لرین

یوخوسینا

یئنه

آیلداجاغام

کندی

شه ری

وایشیق دویغولو شئعیری

دوغاجاغام

قارانلیق مئیدانلارین اورتاسینا

سنین ایچون

سینه سی داغلی

اوزگور

یاشام

حیدر عبادی ( یاریش )

********************************************************************

Buludların

Islaq gözlərindən

Səpiləcəyəm

Yuxuların kal ruyalarına

Sən yuxulu ikən

Tam küçəlrin tozunu alacağam

Gözlərini açanda səhər

Təp təzə olacaq

Kənd – şəhər

Şəh kimi döşənəcəyəm

Güllərin ipək dodağına

Bir qizin əllərindən qoxuyacağam

Nəmli saçlarına

Süxəcəyəm açişqaların tutqun

Baxışına

Bir auşyuvasından saldıracağam

Gecələrin yuxusuna

Yenə

Ayıldacağam

Kəndi – şəhəri

Və

Işiq düyğülü şeyri doğacağam

Qaranliq meydanların

Ortasına

Sənin içun

Sinəsi dağlı

Üzgür yaşam

( Heydər ebadi ( barış